काइरो, २२ माघ । इजिप्टको अदालतले बुधबार सन् २०११ मा होसनी मुबारकको विरोधमा विद्रोह सञ्चालन गर्ने २३० कार्यकर्तालाई आजीवन कागाबासको सजाय दिने निर्णय गरेको छ । यसमा प्रमुख अभियान सञ्चालक अहमद दुमा पनि परेको न्यायिक स्रोतले जानकारी दिएको छ ।
अन्य नाबालिग ३९ प्रतिवादीलाई १० वर्षको कारावासको सजाय तोकिएको छ ।
सन् २०११ को डिसेम्बरमा काइरोको तहरिर चोकमा सुरक्षा बलसँग भिडन्तमा भाग लिएको भनी २६९ व्यक्तिलाई दोषी ठहर गरिएको छ ।
इजिप्टमा आजीवन कारावास २५ वर्ष रहेको छ । बुधबार दिइएको निर्णयमा पुनरावेदन लाग्नसक्छ ।