भक्तपुर, १५ माघ । सामान्य प्रशासन मन्त्री लालबाबु पण्डितले संविधान जारी गर्न नदिने प्रवृत्तिलाई जटिल रोगी मानसिकताको संज्ञा दिनुभएको छ ।
रफत सञ्चार क्लब भक्तपुरले आज आयोजना गरेको अन्तक्र्रिया कार्यक्रममा उहाँले यस्तै रोगी मानसिकताले नै संविधान निर्माणमा अवरोध पु¥याएको बताउनुभयो ।
मन्त्री पण्डितले भन्नुभयो, “जनताले संविधान चाहिरहेका छन् तर जनताको चाहनाविपरीत संविधान निर्माणमा रोगी मानसिकताले अवरोध पु¥याएको छ, यसको उपचार गरेरै भए पनि अब भने संविधान जारी गरिन्छ ।”
यस प्रवृत्तिकै कारण सहमतिमा संविधान जारी गर्न सक्ने अवस्था नभएकोले प्रक्रियाबाटै संविधान जारी गर्नुपर्ने उहाँले बताउनुभयो ।
संविधानसभा प्रक्रियामा गएकाले अब संविधान बन्नबाट कसैले रोक्न नसक्ने बताउँदै मन्त्री पण्डितले यो संविधानसभाबाट पनि संविधान दिन नसके नेपालमा संविधानसभाबाट कहिल्यै पनि संविधान आउन नसक्ने ठोकुवा गर्नुभयो ।
