भद्रपुर, १० फागुन । झापाको विर्तामोडदेखि चन्द्रगढीसम्मको १२ किमि बाटोको निर्माण कार्य सुरु भएको छ ।
कुल रु १० करोड लागतमा सात मिटर चौडाइ कालोपत्र सडक निर्माण गर्न लोहनी थोदुङ सिंह एण्ड ब्रदर्श कम्पनीले १८ महिनामा सम्पन्न गर्नेगरी ठेक्का लिएको कार्यालयका प्रमुख रामहरि पोखरेलले जानकारी दिनुभयो ।
निर्माण कम्पनीले सम्झौता गरेको अवधिमा छ महिना पार गरेर काम सुरु गरेकाले समयमै सम्पन्न हुने सम्भावना टरेको छ ।
बाटो निर्माण गर्न अहिले सो सडकमा डोजर, पिङलमार्फत आवश्यक काम सुरु भइरहेको छ भने पुरानो कल्भर्टलाई पनि चौडा पार्ने काम भइरहेको बताइएको छ ।