सिराहा, ९ फागुन । सिराहाको चोहर्वास्थित भित्रि सडकमा स्कुल बसको ठक्करबाट गएराति एक महिलाको मृत्यु भएको छ ।
मृत्यु हुने महिलाको नाम र ठेगाना खुल्न नसकेको इलाका प्रहरी कार्यालय मिर्चैयाका प्रहरी निरीक्षक हरि खतिवडाले जानकारी दिनुभयो ।
उहाँका अनुसार ना.४ख १११ नम्बरको सगरमाथा उच्च मावि मिर्चैयाको बसको ठक्करबाट महिलाको मृत्यु भएको हो ।
घटनापछि बसका चालक फरार भएको र बसलाई नियन्त्रणमा लिइएको प्रहरीले जनाएको छ ।