सप्तरी, २३ माघ । पूर्वपश्चिम राजमार्गअन्तर्गत सप्तरीको मोहलीको पुलमा गए राति आफैँले चलाएको मोटरसाइकल ठोकिँदा चालक हेटौँडाका अग्निप्रसाद सापकोटाको घटनास्थलमै मृत्यु भएको छ ।
पूर्वबाट पश्चिम जाँदै गरेको ग ३४ प १९ नंम्बरको मोटरसाइकल मोहली पुलमा ठोकिँदा मोटरसाइकल चालक हेटौँडा नगरपालिका–५ का ४५ वर्षीय सापकोटाको मृत्यु भएको र मोटरसाइकल पछाडि सवार सोही ठाउँका दीपेन्द्र थापा गम्भीर घाइते भएका छन् ।
घाइतेको उपचारका लागि विराटनगरस्थित न्युरो अस्पताल पठाइएको जिल्ला प्रहरी कार्यालय सप्तरीले जनाएको छ ।